Kanadanın Vankuver şəhərində XXI Qış Olimpiya Oyunlarının açılışından bir neçə saat sonra kirşə sürmə idman növündə çıxış edən gürcü idmançının kirşə sürmək üçün nəzərdə tutulmuş yarış yolunda məşq edərkən həyatını itirməsi qalmaqal yaradıb. Lent.az-ın “Frans Press” agentliyinə istinadən verdiyi məlumata görə, Uistlerdəki kirşə yolu dünyada ən sürətli və təhlükəli yoldur.

Beynəlxalq Kirşə İdman Federasiyası bəyan edib ki, həmin buz yol səhv layihələndirilib. Yolda maksimum sürətinə 137 kilometr olması nəzərdə tutulub, ancaq reallıqda həmin yolda hərəkət edən kirşənin sürəti 157 kilometrə çatır.

Yarış yolunun tikintisini həyata keçirən şirkətin təmsilçisi Udo Qyurqel da etiraf edib ki, yarış yolu yenidən layihələndirilməli, ilk növbədə finiş sahəsinin kənarının hündürlüyü artırılmalıdır.

Layihəni hazırlayan şirkət də kirşə yolunun çox sürətli alındığını etiraf ediblər. Mütəxəssislər isə idman yarışları keçirilən zaman bu kirşə yolunda növbəti ölüm hadisəsinin qeydə alınacağından ehtiyatlanırlar.

• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər