Cüdo üzrə Azərbaycan milli komandası Avstriyanın paytaxtı Vyanada keçirilən kişilər arasında Dünya Kuboku uğrunda yarışı ilk “onluq”da başa vurub. Apasport.az saytının məlumatına görə, turnirdə mübarizə aparan iki təmsilçimizdən biri - Tərlan Kərimov (66 kq) fəxri kürsüyə yüksəlib. Bürünc medala layiq görülmüş Kərimovdan fərqli, Elxan Rəcəbli (81 kq) 7-ci sırada qərarlaşıb. Yekunda yığmamız 25 kollektiv arasında 10-cu yeri tutub.

Macarıstanın paytaxtı Budapeştdə baş tutan qadınların analoji yarışında isə Azərbaycan 32 komanda arasında 17-32-ci yerləri bölüşdürüb. Bu isə o deməkdir ki, yeganə xanım cüdoçumuz Ramilə Yusubova ilk “7-liy”ə düşə bilməyib. O, ikinci mərhələdə mübarizəni dayandırıb.

• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib