Martın 12-13-də Belarusda üçqat olimpiya çempionu Aleksandr Medvedin şərəfinə sərbəst və qadın güləşi üzrə ənənəvi beynəlxalq turnir keçiriləcək. Azərbaycan Güləş Federasiyasından apasport.az saytına verilən məlumata görə, yarışda qadınlardan ibarət yığmamız da mübarizə aparacaq.

Milli komandamızın baş məşqçisi Orest Skobelski qarşıdakı turnirdə Marziget Baqomedova (48 kq), Regina Yarova (51 kq), Yuliya Ratkeviç (59 kq), Olesya Zamula, Gözəl Zutova (hər ikisi 63 kq), Nadya Sementsova, Zümrüd Qurbanhacıyeva (hər ikisi 67 kq) və Dina İvanovaya (72 kq) şans verəcək.

Bu yarışla paralel olaraq, paytaxt Minskdə yeniyetmə güləşçilər arasında “Medvejonok” beynəlxalq turniri təşkil ediləcək. Həmin yarışda Arif Fərmanovun başçılığı altında Aydan Səfərli (46 kq), Kəmalə Əliyeva (49 kq) və Patimat Baqomedova (52 kq) çıxış edəcəklər.

Komandamızın heyətində böyük məşqçi Kurban Kurbanov, həkim Əsmər Əliyeva və beynəlxalq dərəcəli hakim Elçin Əliyev də Belarusa yola düşüb.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"