Rusiyanın yunan-Roma növü güləş yığmasının Azərbaycana gələcək heyəti açıqlanıb. Apasport.az saytının məlumatına görə, məşqçilər korpusu aprelin 13-dən 18-dək Bakıda keçiriləcək Avropa çempionatına qatılacaq 7 idmançını sınaq döyüşlərindən sonra müəyyənləşdirib.

Şimal qonşularımız paytaxtımıza üç olimpiya çempionu ilə gəlir. Bunlar 2004-cü ildə Afina Olimpiadasının qalibi Aleksey Mişin (84 kq) və Pekin Yay Olimpiya oyunlarının qızıl mükafatçıları Nazir Mankiyevlə (55 kq) Aslanbəy Xuştovdur (96 kq). Digər çəkilərdəki güləşçilərdən Ambako Vaçadze (66 kq) Avropa çempionu (2007-ci il), Zaur Kuramaqomedov (60 kq) qitə birinciliyinin gümüş (2007), Ruslan Belxaroyev (74 kq) bürünc medalçısı (2009-cü il), Şoxruddi Ayubov isə Rusiya çempionatının mükafatçısıdır (2008 və 2009-cu il).

Qeyd edək ki, Aleksey Mişin yığmamızdan AÇ öncəsi qovulan güləşçi Denis Mişinin qardaşıdır.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib