Rusiyanın Həştərxan şəhərində keçirilən FİDE Qran-Pri turniri davam edir. Apasport.az saytının məlumatına görə, bu gün baş tutan X turun oyunları Azərbaycan şahmatçıları üçün uğurlu alınıb.

Hesabat turunadək qələbə üzünə həsrət qalan Teymur Rəcəbov axır ki rəqibini məğlub edə bilib. Həmyerlimiz erməni Vladimir Akopyanı mat vəziyyətinə salıb.

Vüqar Həşimov da turu qələbə ilə başa vurub. Şahmatçımız Rusiya təmsilçisi Ernesto İnarkiyevlə (Rusiya) partiyadan 1 xalla ayrılıb.

Son iki turda maksimum nəticə göstərmiş Şəhriyar Məmmədyarov isə bu dəfə heç-heçə ilə kifayətlənib. Milli komandamızın lideri ukraynalı Ruslan Ponomaryovla “sülh” bağlayıb.

X tur

Pavel Elyanov (Ukrayna) - Peter Leko (Macarıstan) - 1:0
Şəhriyar Məmmədyarov (Azərbaycan) - Ruslan Ponomaryov (Ukrayna) - 0,5:0,5
Petr Svidler (Rusiya) - Dmitri Yakovenko (Rusiya) - 0,5:0,5
Vüqar Həşimov (Azərbaycan) - Ernesto İnarkiyev (Rusiya) - 1:0
Boris Gelfand (İsrail) - Vasili İvançuk (Ukrayna) - 0,5:0,5
Yue Van (Çin) - Yevgeni Alekseyev (Rusiya) - 0,5:0,5
Vladimir Akopyan (Ermənistan) - Teymur Rəcəbov (Azərbaycan) - 0:1

X turdan sonra vəziyyət: Elyanov – 6,5. Həşimov – 6. Məmmədyarov, Yakovenko – 5,5. Alekseyev, Yue, Gelfand, leko, Ponomaryov, Rəcəbov – 5. İvançuk, Svidler – 4,5. İnarkiyev – 4. Akopyan – 3,5.

• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək
• Milli Paralimpiya Komitəsinin 30 illiyi qeyd ediləcək
• Goranboy şəhəri “Gənclər Paytaxtı” seçilib - FOTO