Almaniya yığmasının daha bir futbolçusu DÇ-2010-da iştirak etməyəcək. Apasport.az saytının məlumatına görə, “Ştutqart” klubunun “Yujni Tirol” klubuna 4:0 hesabı ilə qalib gəldiyi yoxlama oyununda 22 yaşlı yarımmüdafiəçisi Kristian Treşin aldığı zədə ciddi olub.

Tibbi müayinə göstərib ki, futbolçunun sağ topuğu çıxıb və bərpa prosesinə 4 həftəyə yaxın vaxt gedəcək. Bununla da Treş CAR-da keçiriləcək mundialda oynaya bilməyəcək. Özü də Kristian yığmanın kapitanı Mihael Ballak zədələnəndən sonra onun mövqeyinə əsas namizədlərdən sayılırdı. Treşin də kənarda qalması ilə baş məşqçi Yoahim Lövün siyahısı 25 futbolçuya kimi azalıb.

Qeyd edək ki, DÇ-2010-un iştirakçıları 23 nəfərdən ibarət son heyəti iyunun 1-dən gec olmayaraq FİFA-ya göndərməlidirlər.

• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB