Kot D’İuvar yığmasının kapitanı Didye Droqbanın mundialın ilk turunda Portuqaliya yığması ilə görüşdə (0:0) sarğıda oynaması problem yaradıb. Apasport.az saytının məlumatına görə, təcrübəli hücumçunun meydana xüsusi bərk sarğıda çıxması rəqib komandanın baş məşqçisi Karlus Keyruşun narazılığına səbəb olub.

O bildirib ki, belə sarğıda oynamağa icazə verilməməlidir: “Qaydalara görə, plastikdən hazırlanan bərk sarğıda meydana çıxmağa qadağa qoyulub. Mən bunu ona görə demirəm ki, Droqbanın meydana belə sarğıda çıxacağı haqda bizi xəbərdar etmədilər. Sadəcə, qaydaların hamı üçün eyni olduğuna əmin olmaq istərdik”.

Qeyd edək ki, mundialdan öncəsi yoldaşlıq görüşündə əlindən zədələnən Didyenin ümumiyyətlə, turnirdə iştirakı sual altında idi. Ancaq yığması onu heyətdən çıxarmadı və FİFA rəhbərliyi Droqbaya meydana sınmış əllə çıxmağa icazə verdi. Ancaq həkimlər futbolçunu əli xəsarətdən qoruyan xüsusi sarğı geyməyə məcbur etdi.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib