“Qara qitə”nin qara bayramı

19.06.2010 - 00:09

"İrqçilik" məfhumu havadan yaranmayıb. Hazırda "Qara qitə"də keçirilən mundialı izləyərkən bir daha əmin oldum ki, bunun günahkarı elə qara dərili insanların özləridir. Xüsusilə də Afrikanın əksər xalqları davranışları ilə adamın əsəbinə toxunmağı, hövsələdən çıxarmağı bacarırlar.

Dünyanın dörd bir yanında yaşayan futbolsevərlər mundialı səbrsizliklə gözləyirdi. Di gəl ki, CAR əhli futbol bayramını qara günə qoyub. 7-dən 77-yə hərəsi bir vuvuzella götürüb vızhavız millətin beyninə işləyirlər. Adını da qoyublar yerli mədəniyyət. Adam istəyir desin ki, götürün bu mədəniyyət dediyiniz zadı... Yaxşısı budu deməyim. Neft Akademiyasında filanda oxuyan qaradərili tələblərdən biri oxuyub eliyər, sonra gəl, bunu başa sal ki, irqçi deyiləm. Yayın cırhacırında məhkəmələrdə sürünməyə həvəs yoxdur. Onsuz da vuvuzela vızıltısı baş-beynimizi xarab edib...

Açığı, 3-5 oyundan sonra düşünürdüm ki, FİFA vuvuzellaya bir əncam çəkəcək. Amma qurumun prezidenti Yozef Blatter çıxıb dedi ki, dözməlisiz: yesəz də budu, yeməsəz də. Seçim sizindi.

Blatterin vızıltıya qarşı çıxmamasından özüm üçün bir şeyi yəqin etdim ki, vuvuzella işində onun da əli var. Yəni bu "mədəniyyət mücəssəməsi"nin satışından ona "dolya" çatacaq.

Bir tərəfdən baxanda onsuz da aclıq və səfalət içində yaşayan afrikalılara adamın yazığı gəlir. Biçarələr dişlərinin kirini sümürə-sümürə qəpiyi-qəpiyə calayıb, mundial təşkil ediblər. İndi xərclənən bir ətək pulu nəyləsə çıxarmaq lazımdı, ya yox? CAR Fransa deyil ki, millət Eyfeldən-zaddan sallana, bahalı ətirdən, pal-paltardan alıb, xeyir verə. Və ya Almaniya deyil ki, qonaqlar bir ay yaxşıca pivələnə, evə qayıdan da "Mercedes"dən, "Wolsfagen"dən birini minib qayıda. Axı bu afrikalıların nəyi var ki? İmkan verin, vuvzellaların satsınlar. Əminəm ki, bu əndrabadi aləti almaq istəyən ağıldanqıvraqlar mütləq tapılacaq.

Vuvuzella bir yana, futolçular CAR-2010-nun rəsmi topu "Jabulani"dən də şikayətçidi. Sanki dünyaca ünlü "Adidas" şirkəti afrikalıların üzünü sözün əsl mənasında qara etmək üçün bu cür bərbad top hazırlayıb. Topa nə "barmaq ediblərsə", onu qapıdan keçirmək üçün qabiliyyət imtahanı vermək lazımdı. Bu "Jabulani" nəmənədisə, CAR-da əməlli-başlı qol qıtlığı hökm sürür ki, bu da azarkeşlərin ürəyincə deyil. Ümumiyyətlə, bu, mundialdan zövq almaq çətin məsələdir. Özümüz özümüzü aldadası deyilik ki. Bunun üçün 4 il gözləməyə dəyməzdi...

P.S. "Qara mundial" FİFA üçün yaxşıca dərs oldu. Afrikalılar dünya çempionatına ev sahibliyi etməyi bir də yuxularında görərlər. İnanmıram ki, bir də "Qara qitə"yə bu xoşbəxtlik nəsib ola. Afrikanın qonaq-qara üzünə çıxarılası ölkəsi bu gündədirsə, onda digərlərini heç görməyə dəyməz.

Mənbə: Ekspressfutbol qəzeti