İspaniya ilk qələbəsini qazandı, Vilya het-trik şansını qaçırdı

22.06.2010 - 00:20

DÇ-2010-da II tura yekun vurulub. Apasport.az saytının məlumatına görə, Portuqaliya – Şimali Koreya görüşü (7:0) bu mundialda həm ən böyük hesablı qələbə, həm də ən məhsuldar oyun kimi tarixə düşdü. Portuqaliya bu darmadağınla növbəti mərhələyə çıxmaq şansını yüksəltsə də, hələ bunu rəsmiləşdirməyib. Bunun üçün son turda Braziliya ilə oyunda 1 xal yetərli olacaq. Digər tərəfdən, Kriştianu Ronaldonun kapitanı olduğu milli dünyanın ən titullu yığmasına qalib gələrsə, qrup qalibi olacaq. Şimali Koreyanın qrupda qalacağı artıq rəsmiləşib.
Sonuncu qrupda isə bütün iştirakçıların, hətta xal üzünə həsrət qalan Honduras yığmasının da 1/8 finala çıxmaq şansı qalıb. Bunun üçün Honduras son turda İsveçrəni böyük hesabla məğlub edib, İspaniyanın qələbəsini gözləməlidir. İspanların DÇ-2010-da ilk qələbəsi, ilk qolları David Vilyanın adı ilə bağlı oldu. Avro-2008-nin bombardiri honduraslılarla oyunda het-trik etməyə çox yaxın idi. Ancaq penalti zərbəsini qaçıran Vilya dubl müəllifi oldu.

21 iyun
G qrupu

16:30. PORTUQALİYA – ŞİMALİ KOREYA - 7:0
QOLLAR: Meyreleş, 29; 89 Simao,53; Almeyda, 56; Tyaqu, 60; Viedson, 81; Ronaldo, 88
Baş hakim: Pablo Potso (Çili)
Keyptaun. Qrin Point stadionu
PORTUQALİYA: Eduardu, Alveş, Karvalyu, Ronaldo, Mendeş, Simao, Migel, Meyreleş, Almeyda, Tiaqo, Koentrau.
ŞİMALİ KOREYA: Myong Guk, Jong Hyok, Jun Il, Nam Chol, Kvang Chon, Yun Nam, Tae Se, Yong Jo, In Guk, Chol Jın,
Yong Hak.

H qrupu

19:00. ÇİLİ – İSVEÇRƏ - 1:0
QOL: Qonsales, 75
QIRMIZI VƏRƏQƏ: Valon Behrami,
Baş hakim: Həlil İbrahim Əl Həmdi (Səudiyyə Ərəbistanı)
Port Elizabet. Nelson Mandela stadionu
ÇİLİ: 1. Klaudio Bravo, 3. Valdo Ponse, 4. Maurisio İsla, 18. Qonzalo Xara, 8. Arturo Vidal, 15. Jan Bosejur, 17. Hari Medel, 6. Karlos Karmona, 14. Matias Fernandes, 7. Aleksis Sançes , 9. Umberto Suazo
İSVEÇRƏ: 1. Dieqo Benalyo, 13. Stefan Qrixtinq, 2. Stefan Lixtştayner, 5. Stiv fon Berqen, 17. Reto Ziqler, 6. Bencamin Huggel, 16. Jelson Fernandes, 11. Valon Behrami, 8. Gökhan İnlər, 9. Aleksandr Fray, 10. Bleysi Nkufo

23:30. İSPANİYA - HONDURAS - 2:0
QOLLAR: David Vilya, 17; 51
Vilya 62-ci dəqiqədə penaltidən yararlana bilməyib.
Baş hakim: Yuiçi Nişumura (Yaponiya)
Yohannesburq. Ellis Park stadionu
İSPANİYA: Kasilyas, Pike, Puyol, Serxio Ramos, Kapdeveliya, Xavi Alonso, Buskets, Navas, Xavi, Torres, Vilya.
HONDURAS: Valyadares, Çaves, Fiqeroa, mendosa, İsaqirre, Palasios, Tursios, Quevara, Suazo, Espinoza, Martines