Portuqaliya yığmasının baş məşqçisi Karluş Keyruş Şimali Koreya üzərində qazanılan böyük hesablı qələbəni yüksək dəyərləndirib. Apasport.az saytının məlumatına görə, asiyalılara 7:0 hesabı ilə qalib gələn portuqaliyalıların çalışdırıcısı bu uğurun davamının gələcəyini bildirib: “Bu qələbə bizə əlavə güc verəcək. Yetirmələrim gözəl oyun nümayiş etdirdilər. 7:0 hesablı qələbə Portuqaliya futbolunda möhtəşəm iz buraxacaq. Ancaq artıq biz bunu tarixə yazaraq, qarşıdakı oyunlara hazırlaşmalıyıq”.

Keyruş vurulan qolların baxımlı alındığını deyərək, zarafatla buna görə əlavə xal verilmədiyindən də şikayətlənib: “Rəqib qapısına vurduğumuz qollar gözəl alındı. Lakin biz bunu 7 dəfə təkrarlasaq da, cəmi 3 xala sahib olduq”.

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib