İyunun 26-da Serbiyanın paytaxtı Belqradda güllə atıcılığı üzrə Dünya Kubokunun son mərhələsi start götürəcək. Apasport.az saytının məlumatına görə, yarışda Azərbaycanı Ruslan Lunyov, Nigar Bağırova və Mehriban Məcidova təmsil edəcəklər.

İyulun 4-dək keçiriləcək Dünya Kubokundan sonra atıcılarımızı daha mötəbər yarış gözləyir. Belə ki, iyulun 29-da başlayacaq dünya çempionatı həm də London-2012-yə lisenziya xarakteri daşıyacaq.

Qitənin mötəbər turnirində ilk altılığı tutacaq idmançılar birbaşa Olimpiadada iştirak hüququ qazanacaqlar.

Qeyd edək ki, snayperlərimiz bu yarışda lisenziya qazana bilməsələr, Olimpiya Oyunlarına kimi Dünya kubokunun 8 mərhələsində və 3 Avropa çempionatında Londona “bilet axtarışında” olacaqlar.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib