Cənubi Afrika Respublikasında keçirilən dünya çempionatının final mərhələsində C və D qruplarının oyunları başa çatıb. Apasport.az saytının məlumatına görə, bu qarşılaşmalardan sonra daha 8 komandanın taleyinə aydınlıq gəlib.

C qrupundan pley-off mərhələsinə ABŞ və İngiltərə yığmaları yüksəlib. Əvəzində Sloveniya və Əlcəzair milliləri mundialla erkən vidalaşıblar.

D qrupuna gəlincə, burada bütün komandaların növbəti mərhələyə çıxmaq şansı daha yaxşı idi. Amma sonda sevinən komanda Almaniya və Qana olub. Qanalılar Bundestimə uduzsalar belə, Serbiyanın Avstraliyaya sensasion məğlubiyyəti Afrika təmsilçinin işinə yarayıb.

Bununla da, daha 4 komanda 1/8 finala yüksəlib. ABŞ, İngiltərə, Almaniya və Qanadan öncə, Hollandiya, Braziliya, Uruqvay, Meksika, Argentina və Cənubi Koreya da pley-off mərhələsinə vəsiqə qazanmışdılar.


Qeyd edək ki, C və D qrupundan 1/8 final çıxan komandalar həmin mərhələdə bir-biri ilə görüşəcək.

23 iyun
C qrupu

19:00. Sloveniya – İngiltərə - 0:1
QOL: Defo, 23
Baş hakim: Volfqanq Ştark (Almaniya)
Port Elizabet. Nelson Mandela stadionu
SLOVENİYA: Handanoviç, Breçko, Şuler, Sezar, Yokoviç, Radosavleviç, Koren, Birsa, Kirm, Lyubiyankiç, Novakoviç.
İNGİLTƏRƏ: Ceyms, Conson, Eşli Koul, Terri, Apson, Milner, Barri, Cerrard, Lempard, Defo, Runi.

19:00. ABŞ – Əlcəzair - 1:0
QOL: Donovan, 90+1
QIRMIZI VƏRƏQƏ: Yahya, 90+3
Baş hakim: Frank de Blekere (Belçika)
Pretoriya. Loftus Versfeld stadionu
ABŞ: Hovard, Bokaneqra, Çerundulo, Bornşteyn, De Merit, Bredli, Dempsi, Donovan, Edu, Altidor, Qomes.
ƏLCƏZAİR: Mbolxi, Buqerra, Belhadc, Yahya, Halişş, Lasen, Yebda, Matmur, Ziani, Kadir, Cebbur

1	ABŞ	3	1	2	0	4-3	5
2	İngiltərə	3	1	2	0	2-1	5
3	Sloveniya	3	1	1	1	3-3	4
4	Əlcəzair	3	0	1	2	0-2	1

D qrupu

23:30. Qana – Almaniya - 0:1
QOL: Məsut Özil, 60
Baş hakim: Karlos Simon (Braziliya)
Yohannesburq. Sokker Siti stadionu
QANA: Kinqson, Mensa, Peyntsil, Mensa, Qyan, Sarpey, Annan, Ayyu, Taqoe, Asamoa, Boatenq.
ALMANİYA: Noyer, Özil, Lam, Şvaynştayqer, Mertezaker, Xedira, Fridrix, Möller, Podolski, Boatenq, Kakau.


23:30. Avstraliya – Serbiya - 2:1
QOLLAR: Keyhil, 69; Holman, 74 - Panteliç, 84
Baş hakim: Xorxe Larionda (Uruqvay)
Mbombela. Nelspreyt stadionu
AVSTRALİYA: Şvarser, Nil, Boşam, Uilkişir, Valeri, Emerton, Holman, Keyhil, Kulina, Kennedi, Breşiano.
SERBİYA: Stoykoviç, Vidiç, İvanoviç, Obradoviç, Lukoviç, Yovanoviç, Stankoviç, Kuzmanoviç, Ninkoviç, Jiqiç


1 ALMANİYA 3 2 0 1 5-1 6
2 QANA 3 1 1 1 2-2 4
3 AVSTRALİYA 3 1 1 1 3-6 4
4 SERBİYA 3 1 0 2 2-3 3

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib