Ukraynanın Lvov şəhərində yeniyetmələr arasında keçirilən boks üzrə Avropa birinciliyi davam edir. Apasport.az saytının məlumatına görə, 30 ölkədən 220 boksçunun mübarizə apardığı yarış Azərbaycan boksçuları üçün yaxşı başlayıb.

Belə ki, baş məşqçi Rasim Məmmədovun rəhbərliyi altında rinqə çıxan 11 idmançımızdan 8-i 1/4 finala vəsiqə qazanıb. Təmsilçilərimizdən Hüseyn Nərimanlı (46 kq), Ceyhun İbrahimli (48 kq), Ramal Yusifzadə (50 kq), Fərid İsmayılov (52 kq), Alim Abbasov (54 kq), Nəbi Bağırov (63 kq), Rəvan Əliyev (70 kq) və Rauf Rəhimov (75 kq) yarımfinalın bir addımlığındadırlar.

Qeyd edək ki, iyunun 29-dək davam edəcək yarışda Pərviz Bağırov (57 kq), Saqi Salehli (66 kq) və Vladimir Karvan (80 kq) mübarizəni dayandırıblar.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO