Dünya çempionatında ilk 1/4 finalçılar müəyyənləşdi

27.06.2010 - 01:00

Dünya çempionatının final mərhələsində növbəti oyunlar keçirilib. Apasport.az saytının məlumatına görə, baş tutan iki qarşılaşma ilə mundialın pley-off mərhələsi start götürüb.

Günün ilk matçında Uruqvay millisi Cənubi Koreya ilə üz-üzə gəlib. Digər Cənubi Amerika təmsilçisi Argentinaya qrupda böyük hesabla uduzan asiyalılar ikiqat dünya çempionları ilə də bacara bilməyiblər.

Nəticədə Oskar Tabaresin yetirmələri 40 illik fasilədən sonra 1/4 finala vəsiqə qazanıblar. Sonuncu dəfə 1970-ci ildə buna nail olan cənubi amerikalılar həmin vaxt yarımfinala da çıxaraq 4-cü yerlə kifayətlənmişdilər.

Digər matçda Afrikanın son ümidi olan Qana futbolçuları ABŞ millisi üzərində inamlı qələbə qazanıblar. Əsas hissənin 1:1 hesabı ilə başa çatdığı matçın əlavə vaxtında fərqlənən qanalılar növbəti mərhələyə yüksəliblər.

Qeyd edək ki, 1/4 finalda Uruqvay və Qana futbolçuları qarşılaşacaq.

1/8 final
26 iyun

19:00. URUQVAY - CƏNUBİ KOREYA - 2:1
QOLLAR: Luis Suares, 8: 81 - Chung Yong Lee, 68
Baş hakim: Volfqanq Ştark (Almaniya)
Port Elizabet. Nelson Mandela stadionu
URUQVAY: Muslera, Luqano, Qodin, Fusile, M. Pereyra, A. Pereyra, Peres, Arevalo, Suares, Forlan, Kavani.
CƏNUBİ KOREYA: Çunq Sunq-REnq, Ço Yunq-Xyunq, Ça Du-Ri, Li Djunq-Su, Li Yunq-Po, Kim Çunq-Vu, Kim Dja-Sunq, Pak Çji-Sun, Li Çunq-Yenq, Ki Sunq-Yunq, Pak Çu-Yunq.

23.30. ABŞ – QANA - 1:2
QOLLAR: Donovan, 62 (p) - Boatenq, 5; Qyan,93
Baş hakim: Viktor Kassai (Macarıstan)
Rustenburq. Royal Bafokenq stadionu
ABŞ: Hovard, Bokaneqra, Çerundulo, Bornşteyn, De Merit, Bredli, Dempsi, Donovan, Klark, Altidor, Findli.
QANA: Kinqson, Sarpey, Qyan, Peyntsil, Mensa Djon, Annan, İnkum, Mensa Jonatan, Ayyu, Asamoa, Boatenq.