“Biz çox gözəl oyun nümayiş etdirərək, qələbə qazandıq. Düzdür, hesab bərabərləşdikdən sonra matçın heç-heçə bitəcəyini düşünmək də olardı. Lakin biz risk etdik və Suares fantastik qolla qələbəmizi rəsmiləşdirdi”. Apasport.az saytının məlumatına görə, bu sözləri dünya çempionatının 1/8 final mərhələsində Cənubi Koreyanı 2:1 hesabı ilə məğlub edən Uruqvay yığma komandasının baş məşqçisi Oskar Tabares deyib.

O bildirib ki, onlar bütün rəqiblərini məğlub etmək gücündədirlər. Bunun üçün növbəti mərhələlərdə onlar heç bir komandadan çəkinmirlər: “Biz turnirə çox yaxşı hazırlaşmışıq. Növbəti oyunlarda rəqiblərimizin ad-sanından asılı olmayaraq, meydana qələbə qazanmaq üçün çıxacağıq. Yəni biz hər bir komandaya problem yaratmaq gücündəyik”.

Qeyd edək ki, Uruqvayın 1/4 final mərhələsində rəqibi ABŞ və Qana komandalarının ən güclüsü olacaq.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib