Özbəkistanlı FİFA hakimi Rövşən İrmatov dünya çempionatında növbəti təyinat alıb. Apasport.az saytının məlumatına görə, 1/4 finalda Almaniya – Argentina kimi məsul oyunu idarə edən 33 yaşlı referi bu dəfə yarımfinalda Uruqvay – Hollandiya görüşünə baş hakim təyin olunub.

Ona yenə həmyerlisi Rafael İlyasovla qırğız Bahadır Koçkarov kömək edəcək. İrmatov mundialın açılış oyunu CAR – Meksika görüşündən sonra İngiltərə - Əlcəzair və Yunanıstan – Argentina matçlarına təyinat almışdı.

Sabah keçiriləcək Almaniya – İspaniya oyununu isə macar hakimlər idarə edəcək. Baş hakim Viktor Kaşşaiyə Qabor Eroşla Tibor Vamoş yardımçı olacaq. Kaşşai buna qədər Braziliya – Şimali Koreya, Meksika – Uruqvay və 1/8 finalda ABŞ – Qana görüşlərinə baş hakim təyin olunmuşdu.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar