Futbol üzrə Paraqvay milli komandasının baş məşqçisi Xerardo Martino istefa verib. Lent.az-ın “Associated Press”ə istinadən verdiyi məlumata görə, yığma vətənə döndükdən sonra Martino komandadan getdiyini elan edib.

Argentinalı mütəxəssis Paraqvay millisinə 2007-ci ilin fevralında baş məşqçi təyin olunub. 2010-cu il dünya çempionatından sonra isə onun müqaviləsi başa çatıb. Komanda paytaxt Asunsyona qayıtdıqdan sonra azarkeşlərin coşqusu ilə qarşılanıb. Martino tərəfdarlara yeni baş məşqçiyə lazımi kömək edəcəyini söz verib. Amma hələlik onun əvəzləyəcək şəxs məlum deyil.

Martino gələcək karyerası haqda da danışıb. 47 yaşlı mütəxəssis Argentina, Səudiyyə Ərəbistanı və Meksikadan təkliflər aldığını bildirib.

Qeyd edək ki, Xerardo Martinonun rəhbərliyi altında Paraqvay yığması tarixində ilk dəfə dünya çempionatının 1/4 finalınadək irəliləyib.

• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub