Sabah dünya çempionatının finalında görüşəcək Hollandiya və İspaniya yığmaları unikal nailiyyətlərə imza ata bilərlər. Apasport.az saytının məlumatına görə, hollandlar qələbə qazanacağı halda, Braziliya yığmasının 1970 və 2002-ci illərdə göstəricisini təkrarlayacaq.

“Pentakampeonlar” həmin illərdə bütün oyunlarda qalib gələrək, dünya çempionu olublar. DÇ-70-da Braziliya yığmasının kapitanı kimi dünya kubokunu başı üzərinə qaldıran, sonradan yığmamızın baş məşqçisi olan Karlos Alberto Torres idi. Hollandiya hazırkı mundilada məğlubedilməz yeganə yığmadır.

İspaniya finalda qalib gəlməklə, Fransa yığmasının nailiyyətini təkrarlayacaq. Söhbət son iki ildə dünya və Avropa çempionu olmaqdan gedir. Fransızlar 1998-ci ildə dünya, iki il sonra Avropa çempionluğunu qazanıb. İspaniya 2008-ci illərdə keçirilən son Avropa çempionatının uduzmadan qalibi olub.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar