“Mötəbər yarış idi. Lakin çıxışım uğurlu alınmadı”. Bu sözləri apasport.az saytına açıqlamasında Sinqapurda keçirilən Yeniyetmələrin I Yay Olimpiya Oyunlarında Azərbaycanı cüdo idman növündə təmsil edən Cəlil Cəlilov (66 kq) deyib.

O bildirib ki, yarışa yaxşı hazırlaşsa da, arzusunu həyata keçirə bilməyib: “Olimpiadaya ciddi hazırlaşmışdım. Bunu ilk döyüşümdə də hiss etdim. Amma ikinci görüşdə sanki əllərim bağlandı. Rəqibin kimanosundan yapışıb fənd atmaqda çətinlik çəkirdim. Sanki hər şey mənim əksimə işləyirdi. Neçə dəfə fənd işlətmək istəsəm də, alınmadı və məğlub oldum. Lakin çalışacağam bu uğursuzluğu gələcəkdə bir daha yaşamayam. Qarşıdakı yarışlara ciddi hazırlaşaraq məşqçilərimin ümidini doğrultmaq istəyirəm”.

Qeyd edək ki, Olimpiada Azərbaycan cüdo idman növündə yalnız Cəlilovla təmsil olunub.

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO