Azərbaycan yığması Yaponiyada keçirilən cüdo üzrə dünya çempionatında çıxışını başa vurub. Apasport.az saytının məlumatına görə, 8 idmançı ilə qatıldığımız yarışda qazancımız 2 bürünc medal olub. Komandamıza medalları Elxan Məmmədov (90 kq) və Ramilə Yusubova (63 kq) qazandırıblar. Onlar fəxri kürsünün üçüncü pilləsinə yüksəlməklə bərabər, 200 lisenziya xalına və 2000 ABŞ dollarına da sahib olublar.

Olimpiya çempionumuz Elnur Məmmədli və Avropa birincimiz Elmar Qasımov təsəlliverici görüşlərdə uduzublar. Onlar yarışı müvafiq olaraq 5-ci və 7-ci yerdə başa vurublar. Komandamızın digər üzvləri Rinat Mirzəliyev (73 kq), Tərlan Kərimov (66 kq) 1/8 finalda, Kifayət Qasımova (57 kq) və Elxan Rəcəbli (81 kq) isə ilk görüşdəcə mübarizəni dayandırıblar.

Qeyd edək ki, bu gün başa çatacaq mundialda 111 ölkədən 848 cüdoçu mübarizə aparırdı və yığmamız qazandığı medallara görə 17-ci pillədə qərarlaşıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”