İspaniyanın “Real” klubunun baş məşqçisi Joze Mourinyonun Portuqaliya milli komandasına rəhbərlik etməsində problem yaranmayacaq. Apasport.az saytının məlumatına görə, Madrid təmsilçisinin rəhbərliyi portuqaliyalı mütəxəssisin həmyerlilərinə kömək etməsinə mane olmaq fikrində deyil.

İspaniyaya səfərini başa vuran Portuqaliya Futbol Federasiyasının prezidenti Jilberto Madail “Real”la razılıq əldə olunduğunu açıqlayıb: “Klubda bizim xahişimizə anlayışla yanaşdılar. Onlar bizi inandırdılar ki, Mourinyonun yığmaya rəhbərlik etməsinə əngəl yaratmayacaqlar. İndi son sözü mütəxəssisin özü deməlidir. Lakin başı “Real”ın işlərinə qarışan Mourinyo hələ ki, tərəddüd edir”.

Qeyd edək ki, Avro-2012-nin seçmə mərhələsinin ilk iki oyunundan sonra Karluş Keyruşu istefaya göndərən portuqaliyalılar Mourinyodan yığmaya müvəqqəti rəhbərlik etməyi xahiş ediblər.

• Yalçın Rəfiyev: “Azərbaycan D-8-də sürətli irəliləyiş əldə edib”
• D-8 baş katibi: “Azərbaycanla əməkdaşlıqdan məmnunuq”
• Fərid Qayıbov: “Gənclər siyasətimiz BMT-nin prioritetləri ilə uzlaşır”
• Bakı ilk dəfə “D-8” Gənclər Dialoquna ev sahibliyi edir
• Elmira Aslanova Antarktidanın ən yüksək zirvəsini fəth edib