Oktyabrın 17-də İstanbulda qitələrarası Avrasiya marafonu keçiriləcək. Apasport.az saytının məlumatına görə, London Olimpiadasına lisenziya xarakterli ilk yarışda Azərbaycanın idman şərəfini milliləşdirilmiş legionerimiz Telahun Əliyev qoruyacaq. 42 km məsafəyə qaçışda atletimiz şəxsi məşqçisi Mətin Sazakın rəhbərliyi altında çıxış edəcək.

Qeyd edək ki, yarışda Olimpiadaya vəsiqə qazanmaq üçün 2 saat 15 dəqiqə normativini yerinə yetirmək lazımdır. Əliyev isə son dünya çempionatında bu məsafəni 2 saat 18 dəqiqəyə qaçıb. Bundan əlavə, marafonda kişilərin yarışında ilk “25-likdə” qərarlaşacaq idmançılar pul mükafatına layıq görüləcəklər. Fəxri kürsüyə yüksələcək atletlər isə müvafiq olaraq, 35, 15 və 10 min ABŞ dolları qazanacaqlar.

• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib
• Azərbaycanda ilk dəfə paraüzgüçülük üzrə ölkə çempionatı keçirilib