Avro-2008-in seçmə mərhələsində Azərbaycanla qarşılaşacaq Türkiyə yığması daha bir itki ilə üzləşib. Apasport.az saytının Türkiyə mətbuatına istinadən verdiyi məlumata görə, Almaniya ilə görüşün 24-cü dəqiqəsində zədələnərək yerini Tuncay Şanlıya verən Mehmet Aurelio Berti Foqtsun yetirmələrinə qarşı oyunda forma geyinməyəcək. Onun zədəsinin ciddi olduğu və 2-4 həftə meydandan uzaq qalacağı bildirilir.

Qeyd edək ki, Aureliodan öncə Arda Turan da eyni aqibətlə üzləşmişdi. “Qalatasaray”lı futbolçu tək Azərbaycan deyil, Almaniya ilə oyunda da meydana çıxmaqdan məhrum olduğundan vətəninə qayıtmışdı.

Azərbaycan – Türkiyə görüşü oktyabrın 12-də keçiriləcək.

• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək
• Milli Paralimpiya Komitəsinin 30 illiyi qeyd ediləcək
• Goranboy şəhəri “Gənclər Paytaxtı” seçilib - FOTO
• Azərbaycan Gənclərinin XI Forumunun ikinci günü Xankəndidə davam edib - FOTO