“Almanlara məğlubiyyəti yaddan çıxarıb, növbəti oyunlarda qələbə barədə fikirləşməliyik”. Apasport.az saytının məlumatına görə, bu sözləri Avro-2012-nin seçmə mərhələsində Azərbaycan yığmasının rəqibi olan Türkiyə milli komandasının futbolçusu Sərvət Çətin deyib.

III turda Almaniya yığmasına 0:3 hesabı uduzan futbolçu məyusdur. O, bu uğursuzluğa oktyabrın 12-də Bakıda keçiriləcək milli komandamızla görüşdə son qoymaq niyyətindədir: “Qrupda ilk dəfə uduzduq. Ancaq buna yenidən nəzər salmaq düzgün deyil. Bu məğlubiyyəti Bakıda qələbə ilə əvəz etmək arzusundayıq. Azərbaycana qalib gəlib, yenidən yuxarı pillələrə qalxmaq istəyirik”.

Qeyd edək ki, “ay-ulduzlu” komanda ilk məğlubiyyətindən sonra 6 xalla 3-cü pillədədir. Onları 9 xal toplayan Almaniya və 2 oyuna 6 xala sahib olan Avstriya qabaqlayır.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək