Türkiyə milli komandasının futbolçusu Xəlil Altıntop Azərbaycana gəlməkdən imtina edib. Apasport.az saytının məlumatına görə, Avro-2012-nin seçmə mərhələsinin oktyabrın 12-də keçiriləcək oyununda Azərbaycan yığması ilə görüşəcək “ay-ulduzlular”ın hücumçusu bu matçda oynamaq istəmədiyini bildiribmiş. Buna komandasının oktyabrın 8-də Almaniyada darmadağına (0:3) üzülməsi səbəb olub. Almaniyanın “Ayntraxt” klubunda çıxış edən Xəlil çoxsaylı qol imkanlarını boşa verdiyi üçün Türkiyə millisinə fayda verə bilmədiyi qənaətinə gəlib. Altıntop bildirib ki, onun əvəzinə yığmaya fayda verməyi bacaran oyunçular cəlb olumalıdır. Lakin türkiyəlilərin baş məşqçisi Qus Hiddink psixoloji cəhətdən sınan hücumçu ilə fərdi söhbət edərək, onu Bakıya gəlməyə razı salıb.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək