Türkiyə milli komandasının baş məşqçisi Qus Hiddink Bakıda mətbuat konfransı keçirəcək. Apasport.az saytının məlumatına görə, hollandiyalı mütəxəssis Avro-2012-nin seçmə mərhələsi çərçivəsində, oktyabrın 12-də baş tutacaq Azərbaycan – Türkiyə matçı ilə bağlı fikirlərini bugünki tədbirdə açıqlayacaq.

Qarşılaşmadan bir gün əvvəl oyunun keçiriləcəyi Tofiq Bəhramov adına Respublika stadionunda son məşqinə çıxacaq türkiyəlilərin çalışdırıcısı hazırlıqlar başlamamış sualları cavablandıracaq. Stadionun konfrans zalında baş tutacaq tədbirdə Hiddinklə yanaşı iki futbolçu da iştirak edəcək. Bu oyunçuların adları tədbir ərəfəsində açıqlanacaq.

Qeyd edək ki, Türkiyə yığmasının 15 dəqiqəsi mətbuata açıq olan məşqi saat 19:00-da başlayacaq. Mətbuat konfransının 18:15-də başlaması nəzərdə tutulub.

• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib