“Qarşıdakı oyuna arxayınlıqla yanaşa bilmərik. Bəzən bu pis nəticələr verir”. Apasport.az saytının məlumatına görə, bu sözləri Portuqaliya milli komandasının yeni baş məşqçisi Paulu Bentu deyib.

O, Avro-2012-nin seçmə mərhələsinin İslandiya ilə bu gün keçiriləcək qarşılaşmasına ciddi yanaşdıqlarını bildirib: “Əvvəllər Azərbaycan, Albaniya, Lixtenşteyn və Kiprlə qarşılaşmalarda yaşananların təkrarlanmağını istəmirik. Biz hər dəfə öz səhvimiz ucbatından əziyyət çəkmişik. Ona görə də rəqibə yuxarıdan aşağı baxmaq fikrimiz yoxdur”.

Qeyd edək ki, Avro-2000-nin 1999-cu il sentyabrın 4-də Bakıda baş tutan oyununda Azərbaycan milli komandası ilə 1:1 hesablı heç-heçə edən Portuqaliya yığmasının start heyətində yer alan Bentu 30-cu dəqiqədə Pedro Pauleta ilə əvəzlənmişdi.

• Azərbaycan idmançıları İslamiadada 5 növdə qüvvələrini sınayacaqlar
• İslamiada: Azərbaycan millisi Səudiyyə Ərəbistana məğlub olub
• İslamiada: Üzgüçümüz bürünc qazanıb
• Fərid Qayıbov Ər-Riyadda Azərbaycan idmançıları ilə görüşüb - FOTO
• Azərbaycan millisi Parisdə daha iki medal qazanıb