Almaniya milli komandasının futbolçusu Toni Kroos Azərbaycan və Qazaxıstan yığmalarını müqayisə edib. Apasport.az saytının məlumatına görə, Münhenin “Bavariya” klubunun 20 yaşlı yarımmüdafiəçisi Avro-2012-nin seçmə mərhələsində bu gün səfərdə qarşılaşacaqları qazaxları millimizdən üstün sayır. Onun fikrincə, bu rəqib hətta Türkiyə yığması ilə müqayisə edilə bilər: “Bugünkü rəqibimiz Azərbaycanla müqayisədə daha güclü komandadır. Oyuna Türkiyə ilə matça olduğu kimi yanaşmalıyıq. Əks halda, bu bizim üçün ağır nəticələnə bilər. Amma əminəm ki, bu bizim başımıza gəlməyəcək”.

Qeyd edək ki, Toni sentyabrın 7-də keçirilən və meydan sahiblərinin 6:1 hesablı qələbəsi ilə başa çatan Almaniya – Azərbaycan qarşılaşmasını ehtiyat oyunçular skamyasından izləyib.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək