“4 oyundan 12 xal topladığımız və qrupun vahid lideri olduğumuz üçün çox sevincliyik”. Apasport.az saytının məlumatına görə, bu sözləri Avro-2012-nin seçmə mərhələsində Azərbaycan yığmasının rəqibi Almaniya milli komandasının baş məşqçisi Yoahim Löv deyib.

O, qrupda keçirilən digər matçlarda qeydə alınan nəticələrlə bağlı fikirlərini də açıqlayıb. Bundestimi dünya üçüncüsü edən mütəxəssis bildirib ki, Azərbaycan – Türkiyə oyununda həmyerlilərimizin rəqibi xalsız yola salmasını komandası üçün sürpriz olub: “Türkiyənin Azərbaycana uduzması məni çox təəccübləndirdi. Çünki “ay-ulduzlu” komanda bizə uduzduqdan sonra Azərbaycanda partlayış edəcəyini gözləyirdim. Lakin Berti Foqtsun komandası qələbə qazandı. Türkiyə futbolçularının vətənlərinə xalsız dönməsi isə bizim üçün çox gözəl oldu”.

Xatırladaq ki, Türkiyə yığması Azərbaycandan öncə Almaniya komandasına 0:3 hesabı ilə uduzmuşdular.

• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək
• Milli Paralimpiya Komitəsinin 30 illiyi qeyd ediləcək
• Goranboy şəhəri “Gənclər Paytaxtı” seçilib - FOTO
• Azərbaycan Gənclərinin XI Forumunun ikinci günü Xankəndidə davam edib - FOTO