“Azərbaycan Türkiyəyə şok yaşatdı. Bununla, Berti Foqts Avro-2012-nin seçmə mərhələsində Almaniya yığmasına böyük kömək etdi”. Apasport.az saytının məlumatına görə, bu sözləri Qazaxıstan – Almaniya matçının canlı yayımı zamanı ZDF televiziya kanalının şərhçisi deyib.

Almaniyalı həmkarımız Azərbaycan – Türkiyə görüşünün nəticəsini sensasiya kimi qiymətləndirib. O bildirib ki, bu qələbədə Berti Foqtsun da böyük əməyi var: “Milli komandamızın sabiq baş məşqçisi Foqts qrupun zəif yığması – Azərbaycanla Türkiyəyə qalib gələrək böyük bir sürprizə imza atdı. Almaniyanın qrupdakı ən çətin rəqibi 4 gün içərisində ikinci məğlubiyyətini alaraq birincilik şansını azaltdı”.

Qeyd edək ki, Türkiyə Azərbaycan yığmasına 0:1 hesabı ilə məğlub olduqdan sonra 6 xalla 3-cü pillədədirlər. Onları lider Almaniyadan 6 xal ayırır.

• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək
• Milli Paralimpiya Komitəsinin 30 illiyi qeyd ediləcək
• Goranboy şəhəri “Gənclər Paytaxtı” seçilib - FOTO
• Azərbaycan Gənclərinin XI Forumunun ikinci günü Xankəndidə davam edib - FOTO