Avropa Taekvondo İttifaqının (ETU) prezidenti Atanasios Praqalos Bakıya gələcək. Bu haqda Lent.az-a Azərbaycan Taekvondo Federasiyasının (ATF) meneceri Nağı Səfərov məlumat verib.

Onun sözlərinə görə, yunanıstanlı qonağın səfəri oktyabrın 28-ə planlaşdırılıb. Ertəsi gün Praqalos ETU-nin paytaxtımızda təşkil olunacaq Baş Assambleyada iştirak edəcək. Daha sonra o, 30-31 oktyabrda “Sərhədçi” İdman Olimpiya Mərkəzində keçiriləcək Komandalararası Avropa Çempionatını izləyəcək.

Qeyd edək ki, ETU-nun baş katibi Gerrit Eyssink Bakıya daha tez - oktyabrın 26-da təşrif buyuracaq. Hollandiyalı qonaq 27-28 oktyabrda eyni məkanda baş tutacaq Azərbaycanın Açıq Çempionatını izləyənlər arasında olacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək