“Yaxşı forma yığmışam. 3-4 aydır gərgin məşqlər keçirəm. Bunun üçün əziyyətimi boşa vermək istəmirəm”. Bu sözləri apasport.az saytına açıqlamasında taekvondo üzrə Azərbaycan yığmasının üzvü Təvəkkül Bayramov deyib.

Son məşqlərdə zədələnən Avropa çempionumuz bu gün start götürəcək açıq Azərbaycan çempionatı və oktyabrın 30-31-də keçiriləcək komandalararası Avropa çempionatında iştirak etmək arzusundadır. Yığmamızın ağır çəkili taekvondoçusu bu yarışlara iynə vurduraraq çıxacaq: “İstəyirəm ki, bütün turnirlərdə fərqlənib. Hazırda zəif rəqib yoxdur. Bunun üçün yarışlara çıxaraq daha çox təcrübə toplamaq və rəqiblərimin gücünü bilmək istəyirəm. Bakıda keçiriləcək çempionatlarda isə zədə səbəbindən iynə ilə çıxış edəcəyəm. Komandamızın Avropa çempionu olmasını istəyirik. Bakıda çempion olmağın başqa ləzzəti var”.

• Azərbaycan idmançıları İslamiadada 5 növdə qüvvələrini sınayacaqlar
• İslamiada: Azərbaycan millisi Səudiyyə Ərəbistana məğlub olub
• İslamiada: Üzgüçümüz bürünc qazanıb
• Fərid Qayıbov Ər-Riyadda Azərbaycan idmançıları ilə görüşüb - FOTO
• Azərbaycan millisi Parisdə daha iki medal qazanıb