Yanvarın 15-16-da Bakıda keçiriləcək usta cüdoçuların turnirində iştirak edəcək Azərbaycan yığmasının heyəti müəyyənləşib. Apasport.az saytının məlumatına görə, London-2012-yə lisenziya xalı verən yarışda milli komandamızın baş məşqçisi Ağayar Axundzadə 8 idmançıya güvənəcək.

Belə ki, hər çəkidə dünyanın ən güclü 16 cüdoçusunun mübarizə aparacağı turnirdə ölkəmizin idman şərəfini İlqar Müşkiyev (60 kq), Tərlan Kərimov (66 kq), Renat Mirzəyev (73 kq), Elnur Məmmədli (81 kq), Elxan Məmmədov (90 kq), Elmar Qasımov (100 kq), Kifayət Qasımova (57 kq) və Ramilə Yusubova (63) qoruyacaqlar.

Qeyd edək ki, 200 min ABŞ dolları mükafat fondu olan yarışın qalibi 400 lisenziya xalına sahib olacaq. 2-ci və 3-cü yerləri tutanlar isə müvafiq olaraq, 240 və 160 xal qazanacaqlar.

• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib
• Fərid Qayıbov: “Yarışın əsas məqsədi idmanın kütləviliyinə nail olmaqdır”
• "Üzgüçülük hamı üçün" turnirinin açılış mərasimi keçirilib