Fransanın Monako şəhərində şahmatın sürətli və gözübağlı növü üzrə keçiriləcək ənənəvi “Amber” turnirinin iştirakçılarının adları açıqlanıb. Apasport.az saytının məlumatına görə, dünyanın ən güclü zəka sahiblərinin mübarizə aparacağı yarışda Azərbaycan Vüqar Həşimovla təmsil olunacaq.

227 min avro mükafat fondu olan “Amber” turnirində qrossmeysterimizin rəqibləri Vişvanatan Anand (Hindistan), Maqnus Karlsen (Norveç), Levon Aronyan (Ermənistan), Vladimir Kramnik, Aleksandr Qrişuk, Sergey Karyakin (hər üçü Rusiya), Veselin Topalov (Bolqarıstan), Vasili İvançuk (Ukrayna), Boris Gelfand (İsrail), Hikaru Nakamura (ABŞ) və Aniş Giri (Hollandiya) olacaqlar.

Qeyd edək ki, martın 11-də start götürəcək yarışın qalibləri 14 gündən sonra müəyyənləşəcək.

• Bakıda Ümumdünya Velosiped Gününə həsr olunmuş veloyürüş keçirilib
• Azərbaycan birinciliyinin qalibləri bəlli olub
• Azərbaycan idmançılarının 2026-cı ilin iyun ayı üçün reytinq cədvəli açıqlanıb
• Velosiped idmanının trek növü üzrə Azərbaycan çempionatının qalibləri müəyyənləşib
• Bakıda stend atıcılığı üzrə ölkə kuboku keçiriləcək