Şahmat üzrə qadınlar arasında keçirilən Azərbaycan çempionatına yekun vurulub. Apasport.az saytının məlumatına görə, yarışın qalibi adını Türkan Məmmədyarova qazanıb. O, bu titula əlavə görüşdən sonra sahib olub. Belə ki, 11 turun nəticəsinə əsasən bacısı Zeynəblə eyni xal (8,5) toplayan Türkan həlledici qarşılaşmada yığmamızın liderini məğlub edərək, fəxri kürsünün ən yüksək pilləsinə qalxıb. Üçüncü yerə isə 8 xal toplayan Gülnar Məmmədova layiq görülüb.

Qeyd edək ki, çempionatın ilk 2 pilləsində yer alan Türkan və Zeynəb Məmmədyarova bacıları martın 1-19-da Türkiyədə keçiriləcək şəxsi Avropa çempionatına vəsiqə də əldə ediblər.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb