Avstraliyanın Sidney şəhərində keçirilən stend atıcılığı üzrə Dünya kuboku davam edir. Apasport.az saytının məlumatına görə, London Olimpiadasına lisenziya xarakterli yarışda bu gün daha 3 snayperimiz çıxışını yekunlaşdırıb.

Təəssüf ki, skit növündə hədəf önünə keçən idmançılarımızdan heç biri mükafatçılar sırasında yer ala bilməyiblər. Snayperlərimizdən Olimpiya çempionu Zemfira Meftəhəddinova (23, 24, 22) və Nurlana Cəfərovanın (23, 23, 23) finala yüksəlməsinə isə cəmi 2 xalları çatmayıb. İlk 3 atışdan sonra 69 xal toplayan təmsilçilərimiz 16-17-ci yerləri tutublar. Onlardan 4 xal az toplayan Regina Meftəhəddinova isə 35-ci olub.

Qeyd edək ki, həmyerlilərimizdən sabah Emin Cəfərov da çıxışını yekunlaşdıracaq. O, 3 atışdan sonra 74 (25, 24, 25) xala malikdir.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”