“Biz dünya çempionatına hazırlaşırıq. Əsas məqsədimiz bu yarışda uğurla iştirak etməkdir. Rumyana Petkova isə zədəli olduğundan, onu yarışa buraxmadıq”. Apasport.az saytının məlumatına görə, bunu ağırlıqqaldırma üzrə Azərbaycan yığmasının baş məşqçisi Yanko Rusev deyib.

Bolqarıstanlı mütəxəssis atletlərimizin Kazanda təşkil olunan Avropa çempionatında mübarizə aparmamasına aydınlıq gətirib. O, Bolqarıstan mətbuatına verdiyi açıqlamada bildirib ki, yarışda komandanın iştirakı elə vacib deyil: “Əvvəlcədən biz son qərarımızı verməmişdik. Lakin yekunda Valentin Xristovu qitə çempionatına yolladıq. Digər atletlərimizin iştirakına isə ehtiyac görmədik. Əsas məqsədimiz lisenziya yarışlarında uğurlu çıxışdır. Bundan əlavə, komanda da tam formada deyil”.

Qeyd edək ki, Kazanda keçirilən Avropa çempionatında yığmamız 8 atletin iştirakını planlaşdırsa da, sonda yalnız Valentin Xristov podiuma çıxdı. Lakin sonda onun göstərdiyi nəticə ləğv olundu.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”