Azərbaycan kubokunun 1/2 final mərhələsinin “Bakı” ilə oyunu “Xəzər Lənkəran” klubunun futbolçusu Rahid Əmirquliyev üçün əlamətdar olub. Apasport.az saytının məlumatına görə, 22 yaşlı yarımmüdafiəçi birdən-birə 3 əlamətdar hadisəyə sevinib.

Belə ki, 2006-cı ilin yayında “Şahdağ” klubundan transfer olunan 17 yaşlı gəncin “Xəzər Lənkəran”ın rəmzlərindən birinə çevriləcəyinə inananlar bəlkə də çox deyildi. Lakin klub rəhbərliyi də, bir-birini əvəzləyən baş məşqçilər də istedadlı yarımmüdafiəçinin bacarığına güvəndilər. 5 il əvvəl avqustun 11-də Lənkəran şəhər stadionunun açılışında “Neftçi” ilə qarşılaşma təkcə baş məşqçi Ağasəlim Mircavadovun deyil, həm də Rahidin debüt matçı oldu. Həmin qarşılaşmanın 78-ci dəqiqəsində Zaur Ramazanovu əvəzləyən Əmirquliyev artıq 3-cü “əlli”ni qatladı. Kubokun “Bakı” ilə görüşü Rahidin “Xəzər Lənkəran” formasında 150-ci matçı oldu. O, Rəşad Abdullayev və Alim Qurbanovdan sonra bu həddə çatan 3-cü futbolçu kimi tarixə düşdü. Yarımmüdafiəçi debütdən 150-yədək olan yolu 1727 günə qət etdi.

Rahid Əmirquliyevin “Xəzər Lənkəran”dakı bütün oyunları

2006/07 mövsümü – 25 oyun (7 qol)
Çempionat – 17 (5)
Kubok – 8 (2)
2007/08 mövsümü – 29 (5)
Çempionlar Liqası – 2
Çempionat – 16 (1)
Kubok – 5 (1)
Birlik kuboku – 6 (3)
2008/09 mövsümü – 29 (4)
UEFA kuboku – 2
Çempionat – 24 (4)
Kubok – 3
2009/10 mövsümü – 32 (1)
Çempionat – 27 (1)
Kubok – 5
2010/11 mövsümü – 35 (1)
Avropa Liqası – 2
Çempionat – 28
Kubok – 5 (1)
Cəmi: 150 (18)
Çempionat – 112 (11)
Kubok – 26 (4)
Avrokuboklar – 6
Birlik kuboku – 6 (3)

Əmirquliyev özü öz yubileyinə yaxşı hədiyyə etdi. Vurduğu qolla komandasını finala daşıyacaq qolun müəllifi kimi tarixə düşdü. Məhz yarımmüdafiəçinin səfər qolu yarımfinalın taleyini həll etdi. “Xəzər Lənkəran” karyerasında 18-ci qolunu vuran Rahid klub tarixinin 5-ci bombardiri oldu. Hələlik o, bu mövqeni Oqtay Dərəlioğlu, Rəşad Abdullayev və Vüqar Nadirovla bölüşür. Bu 4-lük 18 qol vurmaqla yalnız ən yaxşı 4 bombardirdən geri qalır: Zaur Ramazanov – 44, Samir Əliyev – 34, Mario Souza – 26, İvan Svetkov – 24.

Rahidin “Xəzər Lənkəran” karyerasına baxdıqda onun məhsuldarlığı ildən-ilə, mövsümdən-mövsümə aşağı düşüb. Son 2 mövsümdə 1-dən artıq qol vurmayan yarımmüdafiəçi 2010/11-də ilk dəfə fərqləndi. Bu da mövsümdəki 35-ci qarşılaşmasına təsadüf etdi. “Bakı” ilə yarımfinalın taleyini həll edən futbolçu son qolunu ötən mövsümdə vurmuşdu. O, çempionatın 16-cı turunun 2009-cu il dekabrın 19-dakı görüşündə fərqlənmişdi. “Qəbələ” ilə matçda Lənkəran təmsilçisinə 1:0 hesablı qələbə qazandıran Rahid 501 gündən sonra rəqib qapısına yol tapdı.

Mənbə: lankaranfc.com

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”