İtaliyanın Sardinya adasında yerləşən Stintino kurort şəhərində 3 ölkənin boksçularının iştirakı ilə komanda döyüşləri təşkil olunacaq. Boks Federasiyasından apasport.az saytına verilən məlumata görə, artıq bir müddətdir ki, milli komandamızın üzvləri də bu şəhərdə təlim-məşq toplanışı keçirlər.

Yığmamız iyunun 3-də Rusiya komandası ilə, bundan bir gün sonra isə İtaliya boksçuları ilə üz-üzə gələcək. Yarışın ilk günündə - iyunun 2-də İtaliya və Rusiya milliləri görüşəcəklər. Rusiyanı bu yarışda Sankt-Peterburq idmançıları təmsil edəcək. İtaliya millisi isə Türkiyədə keçiriləcək Avropa çempionatına hazırlaşdığından əsas heyətlə mübarizə aparacaq.

Yarışa fəxri qonaqlar kimi AİBA-nın baş katibi Xo Kim, Avropa Boks Federasiyasının prezidenti Umberto Furqoni və İtaliya Boks Federasiyasının prezidenti Franko Farçinelli də dəvət olunub.

Qeyd edək ki, milli komandamızın “1 nömrələr”i hazırda Moskvaətrafında yerləşən Çexov şəhərində Rusiya millisi ilə birgə hazırlıq keçir.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb