Türkiyənin paytaxtı Ankarada keçirilən boks üzrə Avropa çempionatında daha bir idmançımız növbəti mərhələyə vəsiqə qazanıb. Apasport.az saytının məlumatına görə, 64 kq çəki dərəcəsində mübarizə aparan Heybətulla Hacəliyev ilk görüşdə Latviyanı təmsil edən Artur Axmedovu məğlub edib.

Boksçumuz yalnız birinci raundda rəqibi qarşısında çətinlik çətib. Bərabər mübarizə şəraitində keçən ilk hissə 5:5 hesabı ilə başa çatıb. İkinci raundda daha inamlı təsir bağışlayan həmyerlimiz rəqibə heç bir şans verməyib. Nəticədə, hakimlər Hacəliyevin 13:8 hesablı qələbəsini qeydə alıblar. 3-cü raundda isə milli komandamızın üzvü rəqibindən bir baş üstün olub. Elə son hesab da bundan xəbər verir – 21:12.

Qeyd edək ki, həmyerlimiz növbəti mərhələdə çexiyalı Zdenek Çladeklə üz-üzə gələcək.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"