İrlandiyanın paytaxtı Dublində keçirilən boks üzrə Avropa birinciliyinin finalında yüksələn ölkələrin siyahısı müəyyənləşib. Apasport.az saytının məlumatına görə, həlledici mərhələdə ən çox təmsilçisi olan ölkə Rusiyadır.

Şimal qonşumuzun 9 boksçusu həlledici görüşdə iştirak etmək hüququ qazanıb. Yalnız 60 kq çəki dərəcəsində finalda Rusiya idmançısı təmsil olunmayacaq.

Finalda ən çox nümayəndəsi olan ikinci ölkə Azərbaycandır. 3 boksçumuz – Pərviz Bağırov (60 kq), Rauf Rəhimov (75 kq) və Heydər Heydərov (+91kq) qızıl medal uğrunda döyüşə çıxacaq.

Meydan sahibi İrlandiya, Ukrayna və Litvanın 2 boksçusu finalda yarışmaq hüququ qazanıb. Gürcüstan və Ermənistanın bir nümayəndəsi qitə birinciliyinin qızılı uğrunda rinqə çıxacaqlar.

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib