Gürcüstanın paytaxtı Tiflisdə keçirilən qadınlar arasında Peşəkar Şahmatçılar Assosiasiyasının (PŞA) kuboku uğrunda sürətli şahmat üzrə turniri davam edir. Apasport.az saytının məlumatına görə, ilk 2 turda xala həsrət qalan azərbaycanlı qrossmeyster Zeynəb Məmmədyarova (2318) son 3 görüşündə də mat olub.

Belə ki, təmsilçimiz ardıcıl olaraq, Nadejda Kosinseva (Rusiya, 2537), Anna Muzıçuk (Sloveniya, 2580) və Nana Caqnidze (Gürcüstan, 2535) ilə görüşdə şahını qoruya bilməyib.

Zeynəb bu gün Viktoriya Çmilite (Litva, 2503), Katerina Lahno (Ukrayna, 2557) və Tatyana Kosinseva (Rusiya, 2513) ilə qarşılaşacaq.

5 turdan sonra Anna Muzıçuk 4,5 xalla vahid liderdir.

Qeyd edək ki, fevralın 22-nə kimi davam edəcək turnirin mükafat fondu 40 min ABŞ dollarıdır. Çempion adını qazanacaq zəka sahibi isə 10 min dollara yiyələnəcək.

• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər