Finlandiyanın Vierumyaki şəhərində keçirilən 10 metr məsafəyə atəş açmaq üzrə gənclər və böyüklər arasında Avropa çempionatına yekun vurulub. Apasport.az saytının məlumatına görə, qitənin ən möhtəşəm yarışına 6 snayperlə qatılan Azərbaycan milli komandasının heç bir üzvü mükafatçılar sırasında yer ala bilməyib.

Böyüklər arasında idmançılarımızdan ən yaxşı nəticəni Rəsul Məmmədov göstərib ki, o da 573 xalla 34-cü olub. Ruslan Lunyov isə 42-ci (571) yeri tutub.

Qadınların mübarizəsində İradə Aşumova 49-cu, Nigar Bağırova 51-ci (hər ikisi 571 xal) pillədə qərarlaşıb. Gənclərin yarışında isə Nərminə Səmədova 48-ci (551) olub.

Lakin digər idmançımız Zərifə Qasımovanın adı iştirakçılar arasında olsa da, qeyri-müəyyən səbəbdən yekun cədvəldə yoxdur.

• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar