2012-ci il London Yay Olimpiya Oyunlarına lisenziya qazanmış Azərbaycan boksçularından heç kim WSB (Ümumdünya Boks Seriyası) Liqasında iştirak etməyəcək. Bu haqda Lent.az-a Azərbaycan Boks Federasiyasının (ABF) I vitse-prezidenti Ağacan Abiyev məlumat verib.

A.Abiyev bildirib ki, ABF İcraiyyə Komitəsi belə bir qərar qəbul edib: “Federasiyamız qərara alıb ki, London olimpiadasına vəsiqə qazanmış boksçularımız yalnız Yay Olimpiya Oyunlarına hazırlaşmalıdırlar”.

Qeyd edək ki, “Baku Fires” klubunun rəhbərliyi London olimpiadasına lisenziya qazanmış boksçularımızdan Teymur Məmmədovla (91 kq) Məhəmmədrəsul Məcidovun (+91 kq) adını WSB Liqasına sifariş edib. Klub rəhbərliyi onların xidmətindən yarımfinal döyüşlərində yararlanmaq niyyətində idi.

• Azərbaycan və Rusiya milliləri Bakıda birgə toplanış keçir
• Bakı-Xankəndi Azərbaycan Velosiped Yarışının 2027-ci il tarixi açıqlanıb
• MOK-da Belarus Olimpiya Komitəsinin prezidenti ilə ikitərəfli tərəfdaşlıq müzakirə olunub
• Azərbaycan Qran-prisi rekordlarla yadda qalıb - FOTO
• Bakıda keçirilən üzgüçülük üzrə Dünya Kubokunda rekord