Almaniyada güllə atıcılığı üzrə ənənəvi beynəlxalq turnir keçirilir. Apasport.az saytının xəbərinə görə, yarışda azərbaycanlı snayperlər - yığmanın baş məşqçisi, Afina Olimpiadasının bürünc mükafatçısı İradə Aşumova və onun oğlu Ruslan Lunyov da atəş xəttinə çıxıb.

London Olimpiadasına lisenziya qazanan İradə Aşumova kiçik çaplı tapançadan 25 metr məsafəyə atəş açmaqda 581 xalla 4-cü yeri tutub. Ruslan isə olimpiyaçıların yarışında 566 xalla üçüncü, qeyri-olimpiyaçıların qatıldığı yarışda isə 579 xalla ikinci yeri tutub.

Həmvətənlərimiz Almaniya turnirindən qayıtdıqdan sonra 17-25 aprel günlərində dünya kubokunun Londonda keçiriləcək mərhələ yarışına qatılacaqlar.

• III Xankəndi Ultramarafonu: İlk mərhələnin qalibləri bəlli olub
• Azərbaycan və Rusiya milliləri Bakıda birgə toplanış keçir
• Bakı-Xankəndi Azərbaycan Velosiped Yarışının 2027-ci il tarixi açıqlanıb
• MOK-da Belarus Olimpiya Komitəsinin prezidenti ilə ikitərəfli tərəfdaşlıq müzakirə olunub
• Azərbaycan Qran-prisi rekordlarla yadda qalıb - FOTO