Futbol üzrə Avropa çempionatının final mərhələsinin startına az qalmış Hollandiya və Ukrayna arasında qalmaqal yaşanır. Apasport.az saytının məlumatına görə, buna Hollandiya televiziya kanallarında nümayiş olunan reklam çarxları səbəb olub. Belə ki, həmin çarxda hollandiyalı futbol azarkeşlərinə müraciət edilərək Ukraynaya getməmək tövsiyə olunur. Daha çox xanımlara xəbərdarlıq daşıyan bu reklamda həyat yoldaşlarını qitə çempionatına buraxmamaq məsləhət görülür. Buna səbəb isə Ukraynada gözəl qadınların çox olması göstərilir.

Final mərhələsini Polşa ilə birlikdə təşkil edən Ukrayna tərəfi isə artıq neçə gündür televiziyada nümayiş olunan reklamlara münasibət bildirib. Ölkənin Hollandiyadakı səfiri yerli futbol federasiyası ilə görüşüb müzakirələr aparıb. Ukraynanın xarici İşlər Nazirliyi isə reklamın kanallardan yığışdırılmasını tələb edir.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək