AVRO-2012-nin 1/4 final mərhələsinin növbəti oyunu keçirilib. Apasport.az saytının məlumatına görə, Avropa çempionatının 2-ci yarımfinalçısı Almaniya – Yunanıstan qarşılaşmasında müəyyənləşib.

Polşanın Qdansk şəhərində keçirilən qarşılaşmada çempionatın mükafatçılarından biri məlum olub. Yarışda III yer uğrunda oyun olmadığından yarımfinala çıxan komanda artıq indidən ən azı bürünc mükafatı təmin edir. Portuqaliyanın ardınca buna Almaniya nail olub.

Bu, komandalar arasında 9-cu qarşılaşma olub. İndiyədək baş tutan görüşlərdə Yunanıstan qələbəyə həsrət idi ki, seriya yenə davam etdi. Əvvəl keçirilən 8 oyunda onların qazancı 3 heç-heçə olmuşdu Bundestim isə rəqibini 5 dəfə məğlub etmişdi. “Alman maşını” top fərqində də öndə idi – 17:7.

Bu dəfəki qarşılaşma isə məhsuldarlığı ilə seçilib. Altı qolun vurulduğu görüşdə Almaniya üstün olub – 4:2. Bununla da Bundestim ardıcıl 4-cü dəfə böyük turnirlərin final mərhələsində yarımfinala çıxıb.


AVRO-2012

Final mərhələsi
1/4 final

ALMANİYA – YUNANISTAN - 4:2
QOLLAR: Filip Lam, 39; Sami Xedira, 61; Miroslav Kloze, 68; Roys, 74- Samaras, 55; Salpangidis, 89 (pen)
Baş hakim: Damir Skomina (Sloveniya)
Qdansk. “PGE-Arena”

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı