“Teymur Rəcəbov iddiaçıların turnirində norveçli Maqnus Karlsenə əsas rəqib olacaq”. Apasport.az saytının məlumatına görə, bunu Peşəkar Şahmatçıların Assosiasiyasının prezidenti Emil Sutovski deyib.

O, Rusiyanın məşhur chess-news.ru portalına müsahibəsində azərbaycanlı qrossmeyster Teymur Rəcəbovun iddiaçıların turnirində şanslarını dəyərləndirib. Bakıda doğulan, lakin İsraildə yaşayan və bu ölkənin vətəndaşlığını qəbul edən zəka sahibi təmsilçimizin uğurlu çıxışına böyük ümid bəsləyir: “Onu demək istərdim ki, Rəcəbovun son 1 ildə necə oynadığını nəzərə alsaq, bu turnirdə sona kimi mübarizə aparmağa bütün şansı var. Hər halda, Karlsen favoritdir. Digərlərindən isə Teymurun həqiqətən real şansları var”.

Qeyd edək ki, şahmat tacı uğrunda iddiaçıların turniri 2013-cü ilin martında Londonda keçiriləcək.

• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar