2012-ci il London Yay Olimpiya Oyunlarında çıxış edəcək ağırlıqqaldırma üzrə Azərbaycan milli komandasının heyəti açıqlanıb. Lent.az-ın məlumatına görə, olimpiadaya yollanacaq 6 ağırlıqqaldırandan yalnız 2-si - Avropa çempionu Əfqan Bayramov (69 kq) və qitə çempionatının gümüş mükafatçısı İntiqam Zairov (94 kq) azərbaycanlıdır.

Qalan 3 kişi və 1 qadın atletə gəldikdə, Londona bolqarıstanlı Valentin Xristov (56 kq), İvan Stoitsov (85 kq) və Veliçko Çolakov (+105 kq), eləcə də Boyanka Kostovanın (58 kq) aparılması qərara alınıb. Ehtiyat ağırlıqqaldıranlar qismində isə Sərdar Həsənov (69 kq) və Yuliya Dovqal (+75 kq) nəzərdə tutulub.

Qeyd edək ki, ağırlıqqaldıranlarımızı olimpiadaya məşqçi qismində Nizami Paşayev, Zlatan Vanev və Lıçezar Kişkilov aparacaq.

• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar