London Olimpiya yığmamızın boksçusu Elvin Məmişzadənin (52 kq) apasport.az saytına müsahibəsi

- London Olimpiadasına hazırlıq necə gedir?
- Məşqlər çox yaxşı gedir. Qəbələdə uzunmüddətli, əla təlim-məşq toplanışı keçdik. Türkiyə, Bolqarıstan və Kuba boksçuları ilə birgə hazırlaşdıq. Mənə elə gəlir ki, bütün komanda London Olimpiya Oyunlarına hazırdır. Bunu artıq tam hazır da demək olar.

- Boks üzrə millimiz London-2012-yə hazırlıq proqramını İtaliyada tamamlayacaq. Onda bundan sonra daha yüksək formada olacaqsız...
- Bəli, təlim-məşq toplanışının sonuncu mərhələsini İtaliyada keçəcəyik. Oraya iyulun 5-də yollanacağıq və 15 günlük toplanışımız olacaq. Bu hazırlıqdan sonra isə daha yaxşı formada olacağıq.

- Olimpiadada hədəfiniz nədir? Mükafat qazanacağınıza inamınız varmı?
- Məqsədim qızıl medal qazanmaqdır. Rinqə yalnız bunun üçün çıxacağıq.

- Bəs komanda yoldaşlarınız barədə nə deyə bilərsiz?
- Təbii ki, qızıl medal qazanmaq tək mənim deyil, Londona yollanacaq 53 idmançımızın hər biri yalnız çempionluğu hədəfləyir. Çünki bizə göstərilən diqqəti çempionluqla cavablandırmalıyıq.

• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB